Medikus Чет Окт 04, 2007 12:55 pm
Не поддржаа родителите и мислам дека ќе успееме.
ова подоле е од вестите на Канал 5 ---
Средношколците и натаму на улиците протестираат против државната матура
Родителите ги поддржаа своите деца против државната матура. Аргументот е дека државната матура падна на Уставниот суд во 2005-та, со образложение дека во текот на образованието не можат да се менуваат условите под кои се запишале во училиште. Ова е последната генерација која може да го искористи тоа правило. Родителите на средбата со претставникот на Министерството за образование најавиjа нова тужба.
- Ако еднаш на Уставен суд паднало, со кое право мислите дека нема пак да падне? Треба пак да одиме на Уставниот суд? Па, ќе одиме, изјави Елизабета Авшар Тодороска, родител на матурант.
Родителите сметаат дека проблемот и двонеделното штрајкување и отсуство од настава е предизвикано од несериозниот однос на Министерството. Децата биле предизвикани од контрадикторните изјави кои доаѓале од оваа институција. Посебно се револтирани од вчерашната изјава на министерот Рушити, кој порача дека нема да се преговара, туку ќе се разговара со родителите и учениците за да се дознаат нивните маки.
- Таков цврст став не враќа ученици во училиште. Не решава проблеми! Тоа значи ние имаме став, а вие кажувајте си што си мислите, немате друга работа. Тоа нешто не решава проблем, изјави родителката Светлана Поповска.
- Апсолутно е несериозно! Првенствено од Министерството. Како тоа немале време наназад месец дена да се издоговорат, туку сега во 10 часот министерот го викнал државниот секретар и они сега разговараат што ќе биде од оваа средба, додаде м-р Даниела Караѓозоска, родител на матурант.
Државниот секретар им порача на родителите дека министерството препознало проблем кој ќе биде решен. Не соопшти на кој начин ќе се направи тоа.
- Штрајкот е за да се афирмира проблемот. Децата со ова навистина го афирмираа проблемот и министерството сфати дека има проблем. Токму од тие причини штрајкот ја постигна целта. Како и да е проблемот ќе го решиме. Не постои проблем што не се решава, изјави државниот секретар во Министерството за образование Перо Стојановски.
До решавањето на проблемот средношколците се надеваат дека министерот ќе се сретне со нив за да им ги одговори сите прашања на кои тие и нивните родители не добиле одговор од државниот секретар. Аргументите за одлагање на матурата ги доставија во писмена форма до неколку институции. Нивните соученици од другите градови денеска допатуваа на мирни протести пред министерството за образование.
hehe
